”على مسئوليتي”: افتتاح مترو العتبة الكيت كات يوليو المقبل
أشاد الإعلامي أحمد موسى، بتفقد الفريق كامل الوزير، وزير النقل؛ استعدادات تشغيل محطات المترو الأربعة ضمن المرحلة الثالثة (من العتبة إلى الكيت كات).
وأضاف، ببرنامج «على مسئوليتي» المذاع عبر قناة «صدى البلد»، أن هذه المرحلة ستخفف الزحام بشكل كبير «ليه تتحرك بعربيتك وتتعب نفسك؛ انزل محطة صفاء حجازي وروح العتبة أو جمال عبد الناصر، وروح حلوان أو المطرية أو كوبري القبة؛ زي ما انت عاوز».
وتابع أنه في شهر يوليو المقبل ستبدأ التجارب الحقيقية (وبعد 6 أيام من اليوم سيبدأ التشغيل التجريبي بدون ركاب)؛ ويتم الاطمئنان من سلامة كل شئ في المترو حاليًا «والماكينات الإلكترونية موجودة عندك؛ كل حاجة حديثة».
وأوضح أنه في يوليو المقبل ستبدأ حركة الخط الثالث بالمرحلة (أ) في الأربعة خطوط الجديدة «الخط ده تحت النيل بـ 38 مترًا، والنهاردة بقى عندنا مكن بتاع مصر شغالين بيه؛ ودربنا عليه المهندسين والفنيين بتوعنا».
ووجه أحمد موسى، التحية لأهالي الزمالك لتحملهم صعوبات عمل المترو في هذا الوقت؛ مؤكدًا أنه كانت هناك محاولة لعدم إتمام هذا المشروع «هذا المشروع لراحة جمهور الركاب؛ بقول لأهالي الزمالك لو عاوز تروح الناحية التانية متاخدش عربيتك؛ عندك المترو».
وأشاد بجهود الفريق كامل الوزير، وزير النقل في الوزارة منذ تقلده المنصب «الوزارة دي كانت خربانة لحد ما جه وزير النقل؛ المشاكل كانت في كل القطاعات؛ والنهاردة بنتكلم عن إنجازات وشغل بيتعمل للناس مش حد بيدمر».
وأكد أنه يتم إعادة الشوارع والمناطق المغلقة بمنطقة دار القضاء العالي لطبيعتها قبل الإغلاق «وترجع الشوارع دي أفضل، وتعود الحركة من جديد مرة أخرى؛ وبنقول لأهالي الزمالك كان ليكم دور لتحملكم هذا المشروع لخدمتكم وخدمة الشعب المصري».
